पुणे : पुण्यातन मोठी बातमी समोर आली आहे. प्रसिद्ध नृत्यांगना गौतमी पाटील हिच्या वाहनाचा अपघात झाला आहे. अपघातांमुळे कायम चर्चेत असणाऱ्या नवले येथील वडगाव पुलाजवळ अपघात झाला आहे. पुण्यातील मुंबई-बंगळुरी वडगाव येथील एका हॉटेलजवळ उभ्या असलेल्या रिक्षाला गौतमी पाटीलच्या गाडीने धडक दिली. ही धडक इतकी जोरात होती की रिक्षामध्ये असलेले दोन प्रवासी आणि रिक्षाचालक हे गंभीर जखमी झाले आहेत. अपघातानंतर सिंहगड पोलीस घटनास्थळी दाखल झाले होते, या अपघाताचा तपास करत आहेत.
नेमका कसा झाला अपघात?
वडगाव येथे गौतम पाटीलच्या गाडीने दिलेल्या धडकेत रिक्षाचे मोठे नुकसान झाले आहे. तर रिक्षाचालसाहसह दोन्ही प्रवासी गंभीर जखमी झाले. जखमी झालेल्यांना तातडीने रूग्णालयात नेण्यात आले. ज्यावेळी हा अपघात झाला त्यावेळी गौतमी पाटील ही गाडीमध्ये नव्हती. तिच्या चालकाकडून हा अपघात झाला आहे. अपघाताचे नेमके कारण अद्याप समोर आलेले नाही, चालकाने मद्यप्राशन केले होते की नाही याचा पोलीस तपास करत आहेत. पोलिसांनी गौतमीच्या चालकाला ताब्यात घेतलेलं आहे.गौतमी पाटील महाराष्ट्रातील आघाडीची नृत्यांगना आणि लोककलाकार आहे. गौतमी ही मूळची सोलापूरमधील आहे. गौतमी अभिव्यक्तीपूर्ण हावभाव आणि रंगमंचावरील आकर्षक सादरीकरणामुळे ती प्रेक्षकांची लाडकी झाली आहे. गौतमीची मोठी क्रेज असून ग्रामीण भागात यात्रेला तिच्या कार्यक्रमाचं आयोजन केलं जातं. गौतमी आता राज्यभर प्रसिद्ध असून तिने आता चित्रपटसृष्टीतही एन्ट्री केली आहे. तर काही गाण्याचेही शुटींग केले आहेत. आपल्या मेहनतीच्या जिद्द आणि चिकाटीच्या जोरावर गौतमीने स्वत:ची वेगळी ओळख निर्माण केली आहे.
About the Author
